Martin og familie

Taarnerpaaffik angugunarparput avaannaarsuani. Ullaakkut 10-11 missaani qaammariarluni ualikkut 14 missaani qaamanerpaajusarpoq. Maani Uummannami kaperlakkaangat qaammajuitsuuffittut taaneqarsinnaanngilaq, qaamaneq qaamasaqimmat. Taamaallaat sivikillisarpoq qaamanera 4 tiimit missaannaani qaamaneqarfiulluni. Issaq aneerluta nalunaaqutaq 15.00-16.00 missaani taartorsuarmi assiliisaaraluarama iluatsinngivissorlugit oqaatigisinnaanngilara. Taamaallaat ungasissumi nunaqarfiit qaamasut qaamanerat erseqqalaarpoq. Sunaanerali paasiuminaalluni. Taamaammat assiliiviit spejlrefleksillit ungasissumut assiliisinnaassusaat annikippoq. Qanittuinnaalli iluatsitsiviusarlutik. Taamaattoq Marti kurebræt-ertoq takuneqarsinnaalluarpoq. Ataanilu kiinnani nuannaartoq friskiorpasittoq takutillugu. Pilluaammisarpunga taamaattoq takusinnaagaangakku. Jeg tror, at vi er i den mørkeste periode i den nordlige del af Grønland. Det begynder at lysne ved 10-11-tiden om formiddagen, og når op på den lyseste tid ved 14...

Taamaalluniaasit erninnguarma pileriannguarluni assilivaanga assiliivik kussartillugu. Soormiaasit taamaaliortoq aperiganni, soorunami akissutissaqanngilaq, qulaaluaannannguarnimmi ukioqarpoq. Taamaallaat quiagaa, oqaasertaqartinnaguli. Aammami quianarpoq. Inersimasutulli eqqarsaallannarpoq. Kussarluni takusassat suugamik piviusoq takussagaanni? Meeqqap silarsuaani anaana allamut sangutilaarlugu qanormita ittoq takuneqarsinnaavoq, anaana quianarpoq kussangalluni... il.il. Iluaquteqarpoq anaana puallarpallaalersoq takuneqarsinnaajunnaarmat, anaana qasusoq takuneqarsinnanngimmat, anaana qanorittoq takuneqarsinnaanngimmat.. Uannut siulleq pingaarnerpaajuvoq, ilami anaanap pualavallaalernera ersinngimmat..;-)...ilami torrak. Kussarluni silarsuaq nuannissaqaaq amerlasuunut. Killormut eqqarsartaaseqalerluni. Ajortut ajorunnaassapput, nuanniigisat nuannilissapput, iluaagisat ilualissapput, akuerisinnanngisat akuersaarnalissapput, nuannaannginneq nuannaarninngussaaq, aliasunneq nuannaarninngu...

Ippassaq namminersornissamut apeqqummut aap-mik naamimilluunniit qinersineq pivoq. Ilumoorlunga oqassaguma uanga piffissap ingerlanerani nalornivunga annertuumik. Nalornissutigaara namminersorneq eqqunneqarpat aningaasatigut inuinnaalluta atugassarilersinnaasavut ernumassutigalugit, toqqammavigineqartut aningaasat; tassa nunatta pisuussutai; suliluunniit annertunerusumik piiaaffigineqalinngitsut, uppernarsaataasinnaasumillu aningaasatigut sinneqartoorutaasinnaanerat takutitassaqanngitsoq, aammalu ilai suli uppernarsineqanngitsut, tutsuigiinnarneqarmata. Kisianni sunaluunniit alloriarfiginngikkaanni ikaariarfiusinnaanngimmat, upperalugu qinersereernitta kingorna naalakkersuisunik nutaanik qinersinissaq piumasaqaataalerumaartoq, uanga namminersornissamut angerpunga. Isumaqarpunga nutaanik ullumikkut eqqarsartaatsimut naleqquttumik eqqarsartaaseqartunik naalakkersuisoqalerpat namminersorneq silatusaartumik iluarsaanneqarsinnaassasoq. Isumaqatiginanngitsuunngilarmi aamma inuiattut allatu...

Oktoberip 3-niit feeraleratta 18.ani uterpugut Upernavimmi ataataga 80-liiartortikkatsigu. Ataataga 80-ersuarnik ukioqalerpoq oktoberip 11-ani. Ullaakkut nal. 7.00 missaani qatanngutikka illortaakka aappaasullu peqatigalugit matup saani erinarsorfigarput, kaffillernermik ilalerlugu. Ualeq unnuup tungaanut tamulugassanik kaffillernermillu sassaallerfiuvoq angajoqqaatta kissaataat malillugu. Unnua inuusunnerusut angajullersatsinni katersuuffigaat. Inuppassuit atasuinnangajammik isaapput, eqqaamannittullu qanittumiit ungasissumiillu siarngullutik. Aajuna nersorniarlugu isaarissap ukussatta sanaavata ataani unnuukkaatigut periarfissaqaleratta assilisara ataataga anaanagalu. Ulloq nuanneqaaq angajoqqaatta illuanni pilluni. Ila ulloq angeqaaq nuannerlunilu. Qatanngutikka tamangajammik tikipput taamaallaat Siimuttarput ilaanani. Nuanneqaaq ilaqutariittut katersuussinnaalluni taamatut. Suleqatigiilluta aaqqissuillutalu angajoqqaagut ilagaagut nalliuttorsioqatigalugit illortaarput Arnaaluk pe...

Quppersakkamut iseruit, Martip assinga ingerlaannaq takussavat. Taava inuttaa naammattuuissavat. Ilami torrallataavoq assilinera. Nuannaartoq meeraq ineriffissamini inerittartoq. Kommer du ind i hjemmesiden, ser du straks billedet af Martin. Så ser du selve personen. Det er et fantastisk billede af ham. En glad dreng, der udvikler sig, hvor han skal udvikle sig.

Aasaq manna assit ilaqutariittut nuannaaqatigiinnitsinnik oqaluttuartut ilaat aajuna. Martip umiatsiarneq siorna soqutigerpianngikkaluaramiuk, aasaq manna angumminit aqunneq ilinniaramiuk umiatsiarusuttalerpoq. Siunertaqartariaqarpormi sunaluunniit soqutigilerniaraanni. Uanga umiatsiap tunuata tungaani seqinnisaarujoorlunga angutitakka puisinik ujarlertut sukkut tamaana qiviallattaallugit, pilluaammernerujussuarmik tunisippunga. Iluaq umiatsiamik angalaarsinnaalluni, qasuersaarsinnaalluni kiffaanngissuseqarlunilu taamak annertutigisumik. Ippassarli apigatta ullut marluk silarlulluta, massakkunaasit Uummannaq kusanarnerpaaffimmi ilaanniit ullaaralaakkut sassartilerpoq. Pavia umiatsiamik aallareerpoq, Marti suli sinippoq. Uanga makiaarlunga illup iluani suliassakujuppassuit aallartinniarlugit eqqissisimaaqqaarpunga. Eqqissisimaarnaqaaq. A' Marti sinifimminit pissippallappoq, itersimavoq... Det øverste billede viser familieidyl fra denne sommer. Martin var ikke interesseret i at komme...

Kiisa qaammatinngulerpoq nutaarsiassanik allannanga. Allatassaaleqinngikkaluarlunga aallaqqalaarnikuullungalu ulluinnarni ulapaarlunga piffissaaruttarpunga. Maanna Uummannaq Kalaallit Nunaata sinneratulli apeqaaq. Ippassaq unnulerneraniit apilerami suli tamassa apivoq. ½ meterip missaanik ullup unnuallu ingerlanerani apisimavoq. Aput oqippoq aariaannaallunilu, taamaammat aamma pisuffigalugu masannarluni. Taamaalilutik paarnat ussatiginikooqisakka mattussaapput, nunallu naasui tamarmik qalligaallutik. Aasannguaq nuannaraluaannartoq qaangiuppoq, angalaarfiusorlu killeqalerluni. Pavia suli umiatsiamik angalasarpoq piniagassanillu angerlaassillattaalaarluni annertunngikkaluamik. Aavariassamaaraluarami uani weekendimi, silamik nikissinnaannginnami nikinngilaq. Apimmat nuanniigaara? Aasaq qaangiummat nikallornaraara? Naamik. Piffissap ukiullu ingerlarngatut isigigakku nuanniiginngilara. Apigaangat silaannarillisarpoq nuannequterpassuarnillu inissaqartitsilluni. Timersuutissat allat atorneqar...

Ualimut eqaarsaariarlunga igaassat alaannarlugit kisima arfininngormat nuniaffitsinnut paarnanik alakkaavunga. Qaartaarsimalernissaat ilimagigakku, ilumut suli ugguaatigissanerlugit paaserusutsakkakku alakkarlugit. Kisiivimma sissap qulinnguani mallit qaartaarpaluttut tusarnaajutigalugit paarnarujussuit naammattoortaarpakka, katersorlugillu. Iluarmanaasit silaannarissarluni eqqissisimaarluni eqqarsaatillu ingerlaarujoortillugit (peqingaqalunilu iluartuaannangikkaluaqisumik) nunialluni. Ajoraluartumik kigutaarnat kingullermik amerlangaatsiartut qaararsimapput. 2 tiimit missaani taakaneeriarlunga puussiara qiteqqutingajallugu nuniattaannik imalik apuuppara. Iserpunga Paviap errortat aasimagai (suli errorsivipput iluarsinnginnami :-( ..), aamma igaani qalalerai. Marti angerlarsimavoq kammammimut pulaareerluni. Isiinnartunga skååleeraatini paarnanik immerpaa mamarsarlunilu nerillugit. Nerisuutinnguarput illigisaqartarnermik aamma naatitat assut mamarisarigamigit. Perlerluni iseraangami ut...

Aasaq tassa qaangiutilersimammat Uummannap silaa anorliinnalerpoq, sukkut tamaana iluarsitsiartarluarluni. ØV øv øv... nuanneruttortoq umiatsiamik angalaallattaarluta paarnaqarfiit nassaarisaleruttorlugit. Sapaatiummat kingullermik Saattut akiani anginersuit tikikkuttorlugit aqagusaqaratta angerlaannartariaqaratta. Nunasunnimik naasorsunnimilli tipigippoq, nipaassuaaqalunilu. Eqqissisimaarnaqaaq tuaviunnguarnani paarnartarujoorluni. Aqaguani soraatsiaannarluta aallaratta, ippassaammat nuniaffiga pilerinarseruttornikoq tikikkippullu siallilerpoq øvøvøv.. Taannaqa siallerunnaarsiilerpugut. Kiisa angerlarpugut suli siallerunnaanngitsoq 21.30 missaaani apuulluta. Aqqutitsinni iluliaq aserorsimangaarmat annertoorujorujussuaq iluliaminiaqqanik ulikkaartoq naammattoorparput, aqqusaartariaqarlugulu arriitsuaqqamik. Taannaqa siallerlermalli sila iluatsinnaveerpoq. Ippassaanikkunni aamma ualigaa masannartuliortorsuanngorami, aput sialullu akuliullutik. Taanna killigalugu qaqqat qaavi aputeqale...

Paarnat eqqaallattaalerpakka augustip qiteqqunneraniit, aamma nuniagiarnissaq inuit eqqaallattaalermassuk. Augustip 16-ani arfininngornermi Marti ilaseraara paarnartariarniarlunga ungasinngisatsinni, paarnaqarfiusinnaasoq kilometerip missaannaanik uagutsinniit pisukkaanni anguneqarsinnaassammat. Pisara kammamminut kipilerluni pulaarusukkaluarsinnarluni, pileriaranni pileritsappoq. Safti, kaffi, kissit, mamakujuttut taquaasinnaasullu Martip illigisai rygsækkitsinnut ikiorariarlugit qattuninnguaq ungasinngisatsinniittoq Martilu ornipparput gummilerluta nuna masassammat sialleqqamimmammi. Nunali panertorsuugaluaq gummit Martimut iluaqutissartaqarput. Immaqami aamma siunertaqarluni gummilerusussimassasoq? Marti nuannaaqaaq qilanaarlunilu. Piseqattaarluni tasiortarniarlunga ingerlaarpoq. Qimapparput ataata errorsivipput sivisuumik ingerlarusunngitsoq suliariniarsarigaa. Asuliinnaq qaqqamiit naasoqarnerpaaffikkut ateratta, asumi paarnat mikisut akornanni ila soorlu kigutaarnaqarnerusoq. Amm...

Sofa-korput putoornermik sussaajunnaarmat, aasaq Sisimiuniiitsilluta sofassarsioratta, ujarlerluta ujarlerluta isumaqatigiinniarluta isumaqatigiinniarluta marluuttariaq aappaluttoq nassaarigatsigit, pingasuuttariamik arlalerlugu pisiaraarput. Innangaarfigalugu assut iluarpoq. Qallunaat oqariaasiat tassunga torrallataavoq ..en rigtig bamsesofa. Kisianni assut kusarnarput aamma ini kivittutut ikkamikku qaamariaramik ingasangitsumik. Taamaallunga ineeraq allaffigisarput qalipanniarlugu, tukassaarsuaarpunga, ineeqqap pisatarsui (ila suminngaanniit pissarsiarisarsimanerpakka sumullu inissaqartissimanerlugit) tamaasa annissorlugit aqqutissaarutingajalluta ini, sinittarfipput gangilu immerlugit. Taamaaleriarlunga qaqortunngortillugu qalipappara kusertikkaluaruma soqutaajunnaarlugu atisalersorlunga. (Ataani takuuk ;-). Naggataani Pavia ikiorsiuppara sivitsormat ingerlannerani aamma Upernavimmiikkatta. 70-kkunni 80-kkunnilu mutit akulerul...

50-nik ukiulik ullumimiit. Den 50 årige fra i dag. Augustip 13-ani 50-nik ukioqaleqaanga. Tupinnaqaaq ukiut sukkassusaat. 25-nik ukioqarnera eqqaamara, massalumi ukiut affaat qaangiuttut. Inuusoqaanga sapeeqaanga isumaqaqalungalu. Isikkora paareqaara arpattuartuullunga ulapaartuarlunga arlalinnillu assigiinngitsunik assasukkanik suliaqartuarlunga. Massakkut 50-nik ukioqalerlunga oqartariaqarpunga timersorneq aalluppallaarunnaarlugu. Kisianni misilittagaqarpunga, isumaqaqalunga, siunertaqartuaannarlungalu. Assasugassat aalluttarpakka, kisianni taamak annertutiginngitsumik. 50-liininnut uteruma ulloq nuannersumik aallartippoq. Itertitaavunga erninnik uinnillu pilluaqqusiniartunik erinarsorusuttunik kingornalu tunissuteqarusuttunik, kingunerisaanillu radiomik tusarnaaqqusisunik Paviap Kalaallit Nunaata Radioatigut pilluaqqussuteqarfigimmanga. Erninnguara tunisinermini oqarpoq nuannarinngikkukku tunissutisiara taarsiinnarsinnaagiga. Tun...

Upernavimmut tikikkatta anaanaga napparsimavimmi uninngasimalluni utoqqarni utaqqisitaasoq niumi qerattaqqutaata tikinnissaata tungaanut, ullut marluk tassaneeriarluni angerlarpoq. Iluaallak isermat. Amigaatigisimanermut illugiinnik angajoqqaakka najulerlugit assut nuannaarpunga. Tamattami nuannaarpugut. Aqqaluara Siimuk aamma tikereersimasoq, angajoqqaanneeqatigaarpullu. Ajoraluartumik anera Danialik aallaqqammisimavoq Avannaani erinarsortartorsuit siulersortaaffigigamigit peqataajartorluni. Qulaani takuneqarsinnaasoq tassaavoq ataataga Martip assilisimasaa. Uagut anaanagalu tunuatungaaniippugut. Uani ataani takuneqarsinnaasumi oqaluttugut aamma assilisimavaatigut. Anaanaga nuannaaqqilersimagami, assorujussuaq tamaasa najorlugit nuannerpoq. Marti ippassaammat illortaakkuminiilluni putukkuni tummeqqap sinarsuanut kallussimallugu, anniarmat, putugua aseruuttooqinammat kinisimatipparput. Angaa Siimuk saniani nalligusulluni malinnaavoq. Aajuku ippassaammat suli annertoqanngikkallartill...

6.juli 2008 Mette Marie anima nukarlequtaa qeqarpoq Upernavimmi. (sumiorpaluutit malillugit taaguutaa taaginnarpara, tassami kujataata tungaani apersortittut avannaani qeqartarmata.) Ilaasussaagaluaratta umiatsiatta motooritaava suli nalorninarmat aallanngitsoorpugut. Qilanaaraluaqaagut peqataanissatsinnut. Taamaammat ugguarpugut usorullutalu tikinngitsooratta. Uagut maani nerersuarluta ulloq malunnartipparput. Attaveqaatit killeqanngiusammata, telefuunikkut oqalugiarfigaara qatanngutikka sinnerlugit. Nuannisarsimanerarput ulloq nalliuttorsiutammat. Uagut aatsaat Upernavimmut apuuppugut 17. juli, Ilulissaneeqqaaratta aammalu silagissiisaqattaartaratta. Upernavimmiippugut julip 22-ata tungaanut. Mette Mariap qeqarneranit uanga assiuteqanngilanga ajoraluartumik. Taamaattumik ilanngussinngilanga. Ukuli taavaniikkatta assilisakka ilannguppakka. Mette Marie Aqqalummit (Augustakkut ernerat) qaammammik angajulliuvoq. Inequnaqaaq asanarlunilu. Niviarsiaraq mikigallarmalli aallaqattaarluta ilik...

Marti overlevelsesdragtitaani atigamigit perroortoq/ En stolt Martin i ny overlevelsesdragt. Umiatsiarput motoritaarmat anima Danialiup nukarlequtaa Mette Marie sapaammi 6. juli aamma apersortittussaasoq taavunnarniaraluaratta, takkutinnginngitsoorpugut. Motorit dreviata aquutaa pissusissamisut atunngimmat aallarunneq ernumagileratsigu, arfininngornermi unnulluaraa ikkussorlugit naammassigaluaraat. Drevit aquutaat atunngimmat, ernumagalugu Ilulissanut 10.juli motorit misissortikkiartorpavut pingasuulluta. Motoorivut misileqqaaratsigit orsumik atuinerat assut pissanngatigalugu, Uummannamiit Ilulissanut 300 literit missaat atorsimallutigit paasivarput. Aqqutaa isorartoqimmat tupaallaatigaarput nuannaajallaatigalugulu. Ilulissanut aqqutaa ajunngitsorujussuusoq, avannamukaratta ullut marluk qaangiuttut sila allanngoraqisoq naammattoorparput: seqinnarik imaq qillarissoq, anori sakkortulaaqisoq malissuit kiisalu pujoq ataatsikkut atorpavut. Paviami qullissarmiuugami soorunami aqqusaarusumma...

Soraluannguara Aqqalu/Qillaq arfininngornermi 14. juni 2008 apersortippoq Sisimiuni. Nammineq aperinikuummanga aggissanersugut soorunami naaggaarusunnginnakku apersortinneranut ilaajartorpugut. Aallarpugut tikillutalu Sisimiunut 12. juni. Uterlutalu 19. juni. Tikikkatta eqikkannni uannut pulluni sivisulaartumik qiammat nalligalugulu tuppalleqaanga, paasigakku qanoq tikinissatsinnut qilanaarsimatigisoq. Taamaammat nuannaarpunga, nuannaartissimagakku apersortinnerani peqataagatta. Aamma uanga nammineq nuannaaqaanga peqataagama apersortinneranut. Angajoqqaavisa soorunami nukarlequtinnguartik asallugu paarisaraat, uagut Pavialu meeraqanngikkallaratta, Aqqalu mikigallarmat meeraatigisarparput nukatsilaartuarlugu aneeqatigalugu uagutsinneeqatigalugulu. Angajoqqaavisa ilaatigut nukillalaarnarisaannik anngaalaartuartarakku uanga. Sisimiuni apersortitsineq marloqiusaasarmat, arfininngornermi apersortikkunik, qallunaatut atisaqarlutik, sapaammi angertarput kalaallisut atisaqarlutik. Qulaani taku...

Timmiaaraativut isumavut malillugit ataasiinnarmik piaraqaraluaramik. Siullermik ataaseq iniminit aqqarami, pileriarparput suli ataatsimik ilalik. Isumaqarniarluta taakkuinnaasut aamma ataatsimik ilalik paasilerparput. Ilulissaniit tikikkatta Martip kammani Camilla qimaqqamigamiuk timmiaaqqamut angajullermut atsiuppaa. Tullia Marie- Mari- Joakimmip kunngissatta nukaata nuliartaava atsiuppaa. Kingulleq paasigatsigu aamma piararigaat, atserpaa Nuka. Pingasukasiullutik arnaviaapput. Nuka aqqareerluni anaanaminut malersuiinnaqqinnaarami ilaminit sapernerulluni. Ila inequnaq. Allaanngiivippoq inuarakasik anaanaminiikkusuinnavissoq nerisitikkusuinnavissorlu. Ulut 14-t missaat nilliaruusaartarput nerinialeraangamik, anaanaminnillu nerisitsinnialeraangamik niaqqutik natermut tutsillugit innakarlutik nerisitsittarlutik. Zebrafinkit inersimasut aappaluttunik siggoqartarput. Piaqqalli qernertumik siggoqarallartarput. Massakkut siggui aappilleriartorput kisianni suli mikillutik. Ila nereqaat, ner...

Ilulissanut tikippugut illoqarfiup ateqaatini atoraa. Ilulissanik mikisualunnik ulikkaarpoq kusanarsuaarlunilu immamut isikkivik. Tikeqqaaratta nalaatsornerinnarmi unnukkut 20.00 qaangeeraa seqinersuaq appariartortoq naammattoorpara. Nalaatsornerinnarmi qinngornera sissamiittoq. Ilami kusanaq. Taamaattut taasarnerpaat seqernit marluk? ------- Da vi ankom til Ilulissat fremstod byen i sit rette navn. Havet var fyldt med skodser og udsigten var fantastisk smuk. Jeg var på rette tid og sted, da solen på sin vej ned ved 20.00-tiden stod lige på, den samme dag som vi ankom. Det var en tilfældighed at den skinnede på havkanten. Det var så smukt. Er det mon det man kalder 2 sole?

Martilu arfininngormat Ilulissiaratta aajuna Qaarsuniilluta meeraqannilu. Qaarsunut tikikkatta pilerisunnermunaasit arpaannaq timmisartoqarfiup illutaanut arpakkami, siorna tikinnermisut arpalluni pulamippoq kilerluni passimmigut. Ilulissaniippugut arfininngornermiit ullumimut. Iluaqaaq angerlarsimaffimmut angerlarluni. Ilulissaniikkatta innajaartanngeqigatta tikippugut Marti qasoqqinnaartoq. Taamaammallu nerereeratta innartikkanni ingerlaannaq sinilerpoq 19.30-nngugitsorluunniit. ---- Martin og jeg var i Ilulissat siden lørdag, og her ses han i Qaarsut sammen med en han kender. Da vi ankom til Qaarsut var han som sædvanlig så ivrig, at han i sit løb ind til lufthavsnbygningen faldt, så han fik et sår på sit håndled. Vi var i Ilulissat fra lørdag til i dag, og det er dejligt at komme hjem. Da vi ankom var Martin meget træt, fordi vi som regel gik meget sent i seng. Derfor faldt han også allerede i søvn ved 19.30-tiden, kort tid efter, at vi spist.

Sikup aakkiartornerani immap ilamininngua ullut tamaasa alliartortoq malinnaaffigaarput. Sumummita killippa? Qanormita siku ullumikkut aatsigisimava? Allani isikkivik isikkivigineqanngitsoq isikkivigiuaratsigu malinnaaffigiuarparput. Kusanartaqaaq. Ilaatigut uumasut suugaluarnersut immakkut ingerlaartut igalaakkut malinnaaffigisinnaasarpagut imaq qatsorsimatillugu. Taamaakkajuttarporlu sikoqarallartillugu. Immap saqqummilersup eqqarsaatit assigiinngitsut uanni saqqummersittarpai. Eqqarsartarpunga pingortitap inuillu peqatigiinnerat/ataqatigiinnerat avaqqunneqarsinnaangitsoq. Imatut kusanaqqissaartumik immap qaqqat tarrarsuutitut takutissinnasarlugit, aamma piffeqartarpoq tarrarsorsinnanngivillugit mallerpallaarneq pissutigalugu. Taamatullu inuunerput ittarpoq tarrarsortinneqarsinnaagaangatta paasineqarluta misigaluta. Kisianni aqqusaagassagut sakkortuallaaleraangata inuunerpullu aalassassimaaleranngat, tarrarsorneqarsinnaanata misigisimasarpugut. Kusanartaqaarli inuunerput kusanaaraan...

Timmiaaraatigut piaqqisarlutik assorsuaq nerilerput. Aatsaat taama neritigilerput. Paaqqutarinninnerat ajoqusersorumanu ullui aqqarlugit misissornaveersaarpagut. Qinerluta qinerluta aalasuarakasik takusinnaasarparput angajoqqaajusut anillakkaangata tamarmik. Massakkummi anillattalerput marluullutik. Pissanganarpoq piaraasa takunissaat. Naluarput ataasiinnaanersoq imaluunniit marluunersut. Vores fugle er begyndt at spise meget mere som følge af at de har fået unger. Det er først nu at de spiser så meget. For ikke at forstyrre deres omsorg, tager vi ikke reden ned for at undersøge dem nærmere. Når begge forældre kommer ud, ser vi med møje og besvær en unge bevæge sig. Forældrene er nemlig begyndt at komme ud begge to på een gang. Det er spændende at se deres unger. Vi ved ikke om der er en eller 2.

Seqineq pujoq anorimininnguarlu aatitsivittut illutik sikumik aatitsilerput. Inuit sikukkut pisussinnaajunnaarput, qimmillu sikumiit nunami inissaminnukaassorneqareerlutik. Sikup aakkiartornera arriitsutut misinnaraluarsinnarluni, massakkut arajutsineqarsinnaanngitsumik sukkasuumillu aakkiartulerpoq. Assit uku quleriit ullut 4-nik nikinganeqarput. ----------- Sol, tåge og den smule vind, vi har haft smelter isen som i en slags issmelteri. Det er blevet umuligt at færdes frit på isen, og de hunde, der er bundet til isen, er flyttet til deres respektive pladser på land. Selvom det føles som en langsom proces, smelter den nu hurtigt og synligt. Der er 4 dage imellem de 2 øverste billeder her. Soorlu uanga qamanngarujussuaq anersaarsinnaalerlunga. Eqqaaqqajaavara meeraallunga Upernavimmi umiarsuaq kingulleq aallaraangat, upernarpat aatsaat tikittoqaqqittussaasoq itinngugisarlugu. Ukiukkut helikopteri massakkumiit qaqutig...