kiisa qaammatinngulerpoq.../ det er snart en måned siden....
Maanna Uummannaq Kalaallit Nunaata sinneratulli apeqaaq. Ippassaq unnulerneraniit apilerami suli tamassa apivoq. ½ meterip missaanik ullup unnuallu ingerlanerani apisimavoq. Aput oqippoq aariaannaallunilu, taamaammat aamma pisuffigalugu masannarluni.
Taamaalilutik paarnat ussatiginikooqisakka mattussaapput, nunallu naasui tamarmik qalligaallutik. Aasannguaq nuannaraluaannartoq qaangiuppoq, angalaarfiusorlu killeqalerluni. Pavia suli umiatsiamik angalasarpoq piniagassanillu angerlaassillattaalaarluni annertunngikkaluamik. Aavariassamaaraluarami uani weekendimi, silamik nikissinnaannginnami nikinngilaq.
Apimmat nuanniigaara? Aasaq qaangiummat nikallornaraara? Naamik. Piffissap ukiullu ingerlarngatut isigigakku nuanniiginngilara.
Apigaangat silaannarillisarpoq nuannequterpassuarnillu inissaqartitsilluni. Timersuutissat allat atorneqarsinnanngortarput. Nunap isigisap misigititsisinnaanera allaasoq tunniunneqartarpoq. Aamma nuannequtaasarpoq aputeqaraangat.
Martip nuannaringaaramiuk ualimut marloriarluni aneerpoq apuserilluni meeraqatinilu Ivik. Kilkinik sisoraqattaarput nuannisarlutik atisatik oqortut atorlugit. Inequnaqaaq angerlartoq takugakku kilkini uniarlugit.
Kammaga Ingeri taamaalluni taalliorsimalluni aput pillugu ilaatigut imannak allappoq:
"Aputilimmut iterpunga, illersugaasutut/paarineqartutut misigisimavunga..." .
Taalliaa suli nivinngaavinni nivingatippara.
Aap, misigisimavunga aputip nuannaarutissanik arlalinnik aamma tunisaraatigut.
Nu er det snart en måned siden, jeg sidst har skrevet noget her. Det er ikke, fordi jeg mangler emner at skrive om. Jeg har rent faktisk været ude at rejse og har en småtravl hverdag igen, så det er gået ud over opdatering af hjemmesiden.
Som det øvrige Grønland er der også faldet sne i Uummannaq. Sneen begyndte at falde i går hen mod aften og er fortsat til nu, og bliver ved med at falde. I løbet af et døgn er der faldet godt en ½ meter sne.
Sneen er let og vil hurtigt tø op, og bevirker vådt at gå på.
Hermed er min iver efter at plukke bær lagt på hylden. Bærrene er dækket af sne ligesom al beplantning på naturen er det.
Den søde sommer er overstået, og sejlemulighederne er dermed blevet begrænsede. Pavia sejler dog stadigvæk, og kommer hjem med dyr at spise i begrænsede mængder. I denne weekend havde han planlagt at tage på rensdyrjagt, men blev forhindret af vejret.
Er jeg ked af, at sneen er kommet? Synes jeg, at det er deprimerende at sommeren er ovre? Nej, det synes jeg ikke. Jeg ser det snarere som tidens gang og et årstidsskift.
Når der kommer sne, bliver luften klarere og renere, og er indeholdt en masse andre former for glæder. Andre former for sportsgrene kan udføres. Andre smukke naturoplevelser bydes. Desuden er det hyggeligt med sne.
Martin var så glad for sneens komme i dag, at han var ude 2 gange i løbet af denne eftermiddag. Han legede ude i sneen sammen med en anden dreng Ivik. De har kælket iført varmt vintertøj. Og så så han altså sød ud, da han kom trækkende hjem med sin kælk.
Min veninde Inger skrev engang et digt om sneen, som jeg stadig har hængende på min opslagstavle. Blandt andet skriver hun:
"Vågner op til sne, føler dig beskyttet...."
Ja, jeg synes at sne giver os mange andre former for glæde.
Kommentarer