Soqutigisat/ Interesser

Ulluni makkunani MIPI-p www.mipi.gl nunatsinni naalakkersuisunit aningaasaliiffigineqarnissaminik qinnuteqaataa nunatsinni tusagassiutitigut eqqartugaaqaaq. Eqqartorneqarpoq sulissutigineqarlunilu naalakkersuisunit MIPI aningaasatigut tapiiffigineqartariaqartoq, nunatsinni meeqqanut atugassarititaasunik paasissutissanik tunioraasuummat aammalu atugassarititaasut pillugit paasiniaasalernissamik pilersaaruteqarmat.

Ilinniartuugallarama nunatsinni meeqqanut tunngasutigut paasissutissanik ujarliloortarneq misigisarnikooqigakku, qularinngilara nunatsinni meeqqat pillugit paasissutissat sukkulluunniit iluaqutaassaqisut ilinniartunut. Qularinngilara aamma illoqarfinni/kommunini ataasiakkaani meeqqat pillugit, taamaalillunilu inuiaqatigiit pillugit, siuarsaaneq siunertaasariaqarmat, MIPI-p tunniussinnaasai iluaqutaajuassasut.

Taamatullu MIPI-mit paasissutissat pingaarluinnartuupput naalakkersuinikkut aalajangiisarnernut. Mipip paasissutissaatini aqqutigalugit naalakkersuinikkut aalajangigassat sunnersinnaammagit, aningaasat pisariaqartitai tunniuttariaqarai isumaqarpunga. Meeqqanut atugassarititaasunik pitsaanerusunik aqqutissiuisuuvoq, aqqutissiuisuusussaallunilu siunissaq eqqarsaatigalugu.

-----------

I disse dage er MIPI-s www.mipi.gl krav om økonomisk støtte fra Landsstyret på Grønland på dagsordenen i de grønlandske medier. Debatten og kravet handler om, at MIPI ønsker økonomisk støtte fra Landstyret på baggrund af sin vidensindsamling omkring børns vilkår i Grønland og sine planer om videnskabelige undersøgelser om det samme.

På baggrund af den forgæves søgning, jeg selv har oplevet under mine studier, er jeg ikke i tvivl om, at MIPIs vidensindsamling om børn i Grønland til enhver tid er til stor gavn for studerende. Jeg er heller ikke i tvivl om, at den viden den står inde med, og får i fremtiden, vil og er til gavn for enkelte byer/kommuner, da det må være målet for dem at udvikle gode vilkår for børn, og ad den vej et godt samfund.

Der er da heller ingen tvivl om, at den viden der gives ad den vej, vil være afgørende for de handlinger, Landsstyret vælger at føre ud i livet. Derfor mener jeg også, at Landsstyret bør yde den økonomi, der er brug for i MIPI. Interesseorganisationens hensigt er at tilvejebringe bedre vilkår for børn i dag og i fremtiden.