Martin og familie

Sapaatip akunnerini siullerni Narsaq silagittaqattaaginnarluni annerpaamik 10-p tungaanut issittaqattaarami, massakkunaasit appaqqippoq 6-p tungaannaanut issittarluni allanngoralaarlunilu. Anorlillarami nuanniilliornarluni, aasit silagisseqqikkami ullut tulleriiaarlugit seqinnertarluni, kisianni taarsiaartarluni. Ippassaanikkunni ullaakkut iteraangatta qaammassuaq ersareqaluni avannatsinni tungitsinnullumi nuisimasarpoq. Qivianngitsoorneq ajornartaqaaq. Ullaakkut 7.00 missaani misigititsisarnera takutikkusullugu assilivarput.. Ila kusanaqaaq. Qanormita eqqarsartitsisarpa? Qanormita misigititsisarpa? Tupigusutitseqaaq kusagititseqalunilu uannut. Pilluarnermik misigitippaanga taaraluartumi qaamaneq ersersinnaasoq takutitsilluni. Aamma taaraluartumi eqqissisimasinnaaneq oqariartuutigalugulusooq erserpoq. Eqqissisimatitsiqaaq immamut qinngornermini neriunnermik pilersitsilluni. Ilinummita qanoq sunniuteqarpa? --- Efter at have haft et rigtig godt vejr i Narsaq i de forrige uger med op til ...

Allatassaaleqinanngikkaluarpoq. Taamaattoq manna tikillugu suliassat naammattut suliarisaratsigit, nukissara uunga nittartakkamut atungaarneq ajorpoq. Piffissap ingerlanerani pisorpaaloqaqaaq. Uummannamiippugut Martilu. Uanga nuummiitsiaqqippunga, tamatumalu kingorna suli qujanartumik aallaqqinngilanga/-gut. Pisatassagut tikimmata aatsaat qaammatinngulerpoq illup ilua iluarsiimimmat. Taamaattoq sukkangaarnata sinneruttumerngit suliareruusaartarpagut. Nuttarluni immaannaanngikkaluartoq misigisimavunga manna utoqqaliffiginaviarnagu. Suliffiit malersukaarakkit uanga, ilaqutannguakka allanngorartunut atugaqartillugit, ajuusaarnartaraluarpoq. Kisianni imminut ajorinera akiortarpara, eqqarsarlunga nuunneq immini ilikkarfiusoq, aamma asuliinnaq nuunngitsugut. Suliffimmi suliat assigiinnginneri, inuit assigiinnginneri, aaqqissuussinerup assigiinnginneri kiisalu minnerunngitsumik inuit suleqatiginiakkat assigiinngissuaarnerat paasisariaapput. Nunaqqatigiinni inuttut akuulissagaanni aamma ilikka...

Narsamut nuukkattali nittartagarput qiviaqqajannginnakku, massakkut sumiiffipput (asseq qulleq) inuttai illorpullu takutippakka. Allatani tulliuttuni aasarsiornerput oqaluttuariumaarpara kiisalu Uummannamiinnerput Martilu. Martilu marlunngorpat Uummannamukaleratta attartugaagamaasit Martip ilaginiaraminga Uummannaq angerlarserfigisaramiuk. ----------- Da jeg end ikke har haft mit blik rettet mod vores hjememside siden vi flyttede til Narsaq, har jeg nu via billeder vist vores sted (det øverste billede), os og så vores hus. I de næste indlæg vil jeg fortælle lidt fra vores sommerferie ogMartin og min tur til Uummannaq. Martin og jeg tager nemlig til Uummannaq på tirsdag, da jeg endnu engang er blevet hyret til noget arbejde. Martin længes nemlig hjem til Uummannaq, og tager med mig derop til.

Maanna qaammatit pingasut Narsameereerluta Narsami inuunerput ingerlaruusaarpoq. Suliartorutta angerlassaagut. Pisattagut tigoreerlugit puuiaaruusaarpugut. Ulapinnartarpoq tamatumuuna suut pingaartinnerussanerlugit aalajangertariaqaleratta. Imaallaat taamaalilluta atorunnaakkagut kasiiliinnarpagut. Illorput iluarsiartuaarpoq inissikkiartorluni. Nammineq pisattagut atorsinnaanngorpagut, tamannalumi pingaaruteqartuuvoq. Upernaamiit Narsaq sialleqattaaqaaq taamaammallu qorsooqqissiartupiloorluni. Kusanaqaaraasit assut iluarisimaarnarluni. Narsaq ilisarnarsiallappoq kiassuaarami ippassaani, kisianni allanngoraqaluni sivikitsuinnarmik seqinneriarluni siallilertarami. Ungasigunnaarpoq uagut feeriarnissarput. Tamatumuuna Danmarkimi pissalluni. 8. juli Danmarkiliassaagut qaammat naallugu aallaqqassalluta. Takujumaarparput allamukalaassanerluta. Piareeruma assinik ikisiumaarpunga. Maannakkorpiaq piareersimanngeqaanga. :-) ------ Nu har vi været i Narsaq i 3 måneder, og vort liv går sin vante ga...

Kiisa qaammatit marlunngullarlugit, kiisami periarfissarsivunga allannissamut. Massakkut Narsamut nuussimalereerpugut qaammatit marluk. Narsaq anginngilaq, manikannerpoq aammalu aasami qorsooqqilluinnartarluni. Narsarmiut oqaatigaat aprilimili kiassuartalereertartoq, massakkulli sooq pinerpoq qiianartoq. Tamannalumi eqqorpoq. Avannaa tungaanitulli kiassuseqarpoq qaammatit 2-t maaniinnitsinni, ullut 3-4 missaat issakkunni 18-19-tungaanut kiassuarfiusoq eqqaassanngikkaanni. Illutaarpugut 1.maj illoqarfiup qutsinnersaani Inuili p qulaani isikkivigissuaarluta narsaatinut qorsooqqissunut immamullu. (Asseq qullerpaaq tassa isikkivipput). Sapaatip akunnermi kingullermi aatsaat pisattagut tikipput, taamaammallu aatsaat misigilerluta nuulluta. Taamaattoq aperineqaraangama Narsamiinnera qanoq igineriga oqartarpunga nalugallarlugu. Misigivunga aatsaat oqarsinnaallunga inerput iluarsereerpat. Illutsinni toqqissigutta avammut saassinnaalissaagut. Najugaqarfipput tassaavoq suliffinni aqutsisutut ini...

Marti 10-nik ukioqalerpoq 11.marts 2009. Taamani kursusimut nangeqattaartumut naggataamik ilaasussaagama ulloq taanna najunngitsoorpara. Nuannisarsimavoq, kisianni anaana assut amigaataasimalluni. Qujanartumik aqaguinnartoq uanga tikippunga. Ulloq taanna kursuseqaterput Pia iserpoq Martip nalliunnera nalliuttorsiutigalugu naasunik uannut nassarluni. Vintergækkinnguit. Nuannaarnaq, tuppallernaq. Qujanarsuaq Pia. Kursuseqatinnguakka nunanneqaat tamarmik. Aamma kursusertitsisugut pikkorissut kursuseqatikkalu qujaffigerusunnarput tamarmik inissaqartitsisaramik sutigut tamatigut. Assut pissarsinartumik kususerpunga. Paasisaqarnarpoq iluaallannarlunilu. Angerlamut tikikkama nalliunnikup tunissutisiassani ammaqattaarlugit assut nuannaarpoq. Pingaartumik nuannaarpoq nutaamik mobilitaarami højttalereerartalimmik. Rap-ertartoq kalaaleq Don Maliko maani Uummannami DK-miinnanni angunnilu koncertifiginikuugamiuk assut issuartaarpaa. Natsat tunniussakka allalu nuannarisani rappertuusaarnermini ator...

Pilatsereerlunga januar/februarimi peqqissarninni Pavialu aalajangeratta aprilip aallaqqaataani maani suliunnaassalluta, Narsamut nuulerpugut. Apriilip 2-ani Uummannamiit aallassaagut Narsamullu aprilip 4-ni pissalluta. Uanga Multicenter Ujuaammi (katsorsaavittut taaneqarsinnaasoq) ningiunngussagama. Pavia Piareersarfimmi faglærerinngussaaq. Tassa aqagu illutsinni pisattagut poortussavaat, taamaammallu ulapeqaagut angerlarsimaffitsinni suliffitsinnilu. Martip nuannarivallaanngikkaluarpaa taamaattoqarmat, aammami inersimasugut uagut nuannarivallaanngikkaluarparput. Kisianni aalajangerpugut ingerlariaqqittariaqaratta. Ukiut 4-raqqissaat uanga maani sulisimassaanga, 1.april 2005-mi Uummannami PPR-mi ( PPA Uummannamik taaguuteqalernikuuvoq) psykologitut ningiutullu atorfinikkama. Nuna taama kusanartigisoq najornikuullugu ilikkagaqarfigaara, aamma inuit inussiarnersut najornikuullugit ilikkagaqarfigalugillu misigisimavunga. ----------- Under min sygeorlov i januar/februar (ovenpå operatio...

Ippassaanili seqineq qalipaasersuisoq nakkutigiuarlugu kiisami ulloq nalleqaaq Uummannami nuinissaanut. Atuartut immikkut nalliuttorsiutigaat klasseqatitik ataatsimooqatigeriarlugit, atuartut tamarmiullutik aqqusinikkut politeeq siulersortigalugu ingerlaarlutik, kingornalu silami erinarsoqatigiillutik. Soorunami kaagit ilaanngitsuussagunanngillat. Martip ippassarli qilanaaralugu eqqartoramiuk kiisami takoreerpaa. ------------------- Efter nogle dages opmærksomhed på solenstrålernes farvepragt, er dagen endelig oprindet, hvor solen kommer frem og belyser Uummannaq by. Skolebørn fejrer dagen ved at have hyggetimer i hver sin klasse, hvorefter alle skoleelever går vejene rundt med politiet i spidsen. Herefter samles de udenfor skolen og synger solen ind. Selvfølgelig vil dagen blive fejret med kager til dem. Martin glædede sig meget til og snakkede om solen i går, og nu har han endelig set den. ...

Ippassaani ualilluinnaleraa seqernup qinngorneri avatangiisitsinnut tiguartinnavissumik qalipaasersuisut iluatitseqqissaarlunga assiliivinnik assiliniarsaraakka. ---------------- Sent på eftermiddagen blev vi forleden præsenteret for solstrålernes magiske farveorgier, som jeg var så heldig at prøve at indfange med mit kamera. Ullup qeqqata missaani qaammarluartoq seqerneq qinngorneri sungaartut qaamalluinnartut qaqqat qaavinut qinngorsimasut takuakka. Ualilluaraa qalipaatit aappalorujuttut avatangiisiminnut pinnguartutut illutik akitsinni Nuussuup qaqqaasa qulaanni saqqummeralermata misigititsinerannik ersersitsisinnaasoralunga misiliisaqattaarpunga. ---------------- Jeg så meget lysgule solstråler på fjeldtoppene ved middagstid. Hen på eftermiddagen begyndte farverne at spille fantastisk smukt henover Nuussuaqhalvøen, overfor hvor vi bor. Jeg prøvede at indfange stemningen, de gav mig. Martilu pisuttuaratta qinngornerit qilammiittut immamut sikutalimmut qinngornerat ersareqaaq. ----...

Januarip 13-ani nuummi sanami pilatsippunga naakkut, kingunerisaanillu sulinngiffeqarlunga. Januarip 22-ani tikippunga assut eqarlunga. Piffissap ingerlanerani sanngiikujuttaraluarlunga aamma allamut imminut sangusarsinnaasarpunga. Piffissaq sukkaakkaluaqaluni sukkaqaaq, peqqissaramami aallartinnerani sinittaqattaartarlungalu pigama, massakkut eqaanneroqaanga suliaqarnerusinnaanngorlungalu. Ilaatigut ulluinnarni ulapittuarnerup kingunerisaanik soqutigisakka tununnikuullugit, saqqummertittaalerlugit nuannaarpunga. Takusinnaalerpara qanoq sulisariaqarnerup iluani ulapittartigalunga/-ta. Ukiut 15-t missaat ilinniartitsisuunikuugama misilittagaqarluarlungalu, ukiumi nutaami uagutsinni ilinniartitsisuunikuunera atorluarniarlugu aalajangerama, ippassaq erninnguara immikkut uagutsinni atuartittarlugu aallartippara. Atortutut qinerpara nukaralu Augusta Blytmann Berthelsen qallunaanut ilinniusiaq Sglaj kalaallinut atortussianngorlugu sularinikuusarput, taaguutilik Takuss Utiss . Nuannivippoq a...

Decemberi naallugu allanngeriarlunga, januari aallartilluaannarpara allallunga. Ilaquttagut tamaasa, kammalaativut nalunngisavullu tamaasa qamannga pisumik juullisiorluarsimanissaannik kissaallugit, ukiortaamilu pilluarnartumik misigisaqarnissaannik kissaallugit pilluaqquagut. Uagut juullisiorluaqaagut. Juullikkunni marloriarluta uagutsinni qaaqqusivugut. Tassa juulliaqqami ilaquttagut qaninnerit Ukakkut Arnannguarlu meeraalu nereqatigalugillu orpiliaqatigigatsigit, juullillu aappaani kammalaaterput nakorsaq franskeq Annie nereqatigalugu. Ullut eqqissisimaarfigaavut aasit tungaanut ulapikkaluaqalutaasit juullimut pinnersaaneq pisiniarfiliartaarneq, kaagiliorneq nerisassanillu isumaginninneq suliarigatsigit. Ajoraluartumik juullip tungaanut inersimasuusugut napparsimagatta, erninnguarput kisiat peqqissortaralugu. Taamaammat sutigut tamatigut qaangiuttoorpugut. Pilluaqqussutit aamma piariikannertartut angumerinngitsoorpakka. Taamaammat matumuuna pilluaqqusivugut tamanut. Taamaattoq juull...