long time no see

Allatassaaleqinanngikkaluarpoq. Taamaattoq manna tikillugu suliassat naammattut suliarisaratsigit, nukissara uunga nittartakkamut atungaarneq ajorpoq.

Piffissap ingerlanerani pisorpaaloqaqaaq. Uummannamiippugut Martilu. Uanga nuummiitsiaqqippunga, tamatumalu kingorna suli qujanartumik aallaqqinngilanga/-gut.

Pisatassagut tikimmata aatsaat qaammatinngulerpoq illup ilua iluarsiimimmat. Taamaattoq sukkangaarnata sinneruttumerngit suliareruusaartarpagut.

Nuttarluni immaannaanngikkaluartoq misigisimavunga manna utoqqaliffiginaviarnagu. Suliffiit malersukaarakkit uanga, ilaqutannguakka allanngorartunut atugaqartillugit, ajuusaarnartaraluarpoq. Kisianni imminut ajorinera akiortarpara, eqqarsarlunga nuunneq immini ilikkarfiusoq, aamma asuliinnaq nuunngitsugut.

Suliffimmi suliat assigiinnginneri, inuit assigiinnginneri, aaqqissuussinerup assigiinnginneri kiisalu minnerunngitsumik inuit suleqatiginiakkat assigiinngissuaarnerat paasisariaapput.

Nunaqqatigiinni inuttut akuulissagaanni aamma ilikkagassaavoq nammineq iliuuseqartariaqarneq. Mannali tikillugu suli uagut inersimasut kammalaateqalersimalluta oqarsinnaanngilagut.
Marti pinnguaqateqartarpoq peqatinnaarilikkaminik qujanartumik. Kisianni Uummannamut angerlarsertarpoq oqarluni maani meeqqat nuannarinngikkaanni. Maanigooq meeqqat qinngasaarisaramik.

Tamanna immini qanoq paasisariaqassanerpoq.
---------
Det er ellers ikke fordi, jeg mangler emner at skrive om, men der har været rigeligt med arbejde, hvorfor jeg ikke har kunnet bruge min tid på hjemmesiden her.

I løbet af tiden er der sket rimeligt mange ting. Martin og jeg har været i Uummannaq, og jeg har igen været i Nuuk for en kort stund, men har heldigvis ikke været ude at rejse siden da.

Der er gået en måneds tid, siden vi fik vore nye møbler hjem fra Danmark, og interiøret i huset blevet indrettet stort set færdigt. Vi gør så de resterende småting i orden i det tempo, der kan passe ind i vores til tider travle hverdag.

Selvom det er krævende at flytte, føler jeg, at stedet her ikke er stedet, hvor jeg skal blive gammel.
Da jeg følger arbejde er det ikke ligefremt sjovt og retfærdigt at udsætte min familie for så mange skift. Jeg prøver at forsvare mig imod min dårlige samvittighed overfor min mand og søn, men argumenterer med, at man lærer noget af at flytte, og at vi ikke er flyttet for sjov.

Man lærer forskelligheden i arbejdets indhold, man lærer hvor forskellige folk er, man lærer forskellene i systemopbygningen at kende, og ikke mindst lærer man hvor utroligt forskellige samarbejdsrelationer kan være.

Skal man blive en del af nærsamfundet skal det læres, at man selv må gøre en indsats, for indtil nu kan vi voksne ikke bryste os af, at vi har fået venner eller en omgangskreds.

Heldigvis har Martin fundet en fast legekammerat. Men han udtrykker gang på gang at han savner Uummannaq, og tilføjer tit at børn her i Narsaq ikke kan lide ham. Børn her driller, siger han.

Hvordan man skal forstå dette, kan jeg ikke rigtig bruge tid på endnu.