tamalaat /lidt forskelligt
Akuttugaluaqisut ilanngussisarama, qanoq aallartissanerpunga... Sila eqqartorneqartuaannarsinnaasarmat aallartissutigiinnarlara. Sila allanngorangaarmat manna tikillugu kujataani issikkaangat minus 10 qaangerneq ajorpaa. Ullaakkut minus 4-5-6 maannakkut atuuttarput, ullororneranilu isseqanngiusattarluni. Silagissuaq atuupporaasit ulluni makkunani. Kangerlunni iigartartuniit sikorasappassuit imaq pinnersaasersorpaat. Alianaassuaq isigisaq pilluarnartoq eqqissisimanartorlu. Tupinnanngeqaaq taallianik pilersitsinnaasarmat. Tamanna Martip aamma malugisimasarpaa. Issaq oqarpoq Uummannamisuut aallajaassanngitsugut nammineq narsarmiutut oqalunneq ilikkarusukkamiuk. Kissaatigisaq angutaata kissaataata killormuua. Paviami Sisimiunut uterusussuseqartuaannartuuvoq suli maannamut, alliartorfigipajaarnikuugamiuk (inuusuttuaraanerminiit). Marti akunnakujuttunik oqaluttaaseqarpoq uummannarmiutut oqalunnini katakkiartorlugu narsarmiutut akuuillataalluni. Kujataata aputeqanngingajannera pikkunaagikutt...